Шииткекчини томуйлаан
РФ-тиң Президентизиниң 1067 дугаар Чарлыы езугаар Кызыл район судунуң шииткекчизинге Сылдыс Шулуун-оолович Монгуш томуйлаткан. Ол күш-ажылчы базымнарын 1992 чылда республиканың иштики херектер органнарындан эгелээн. 2002-2022 чылдарда прокуратура органнарынга улуг истекчи, район прокурорунуң оралакчызы, районнуң прокурору болуп ажылдаан.
2023 чылдан бээр Барыын-Хемчик база Кызыл кожууннарның район судтарынга ажылдап турган.
Кызыл район судунуң коллективи Сылдыс Монгушка шииткекчи кылдыр томуйлатканы-биле байырын чедирген.
Районнуң шүүгү органының медээзинден Мира КОНГУЛ-ООЛ белеткээн.
Чурукту социал четкилерден алган.
