Шекпээр суурум
Узун-Тейниң эдээн каастаан,
Угулзалаан хээлер ышкаш,
Каткылыгның кырын орта
Кадыг кара таан чараш.
Шекпээр суурда чонувуста
Шалып-кежээ ишчилер бар!
Алыс бистиң суурувустан
Алдар-аттыг артистер бар.
Ырлаан үнү хоюг чараш,
Ындыналдыр, дыңнаксанчыг,
Хөөмей-сыгыт, каргыраазын
Харамдыгып ырлай бээрлер!
Жанета САРЫГЛАР .
Шекпээр сумузунуң Сайзанак аттыг уруглар садының кижизидикчи башкызы .
