Шай байырлалы

Кызыл кожуунга Россияда чоннарның чаңгыс деминиң база Тывада чарлаттынган Тургузукчу күш-ажылының болгаш өг-бүле ыдыктарның чылдарынга тураскааткан шай байырлалы болуп эрткенин сагындыраал. Кожууннуң баштыңы Елена Филиппова чыылганнарга байыр чедирген. Шай мөөрейи онзагай черни ээлээн болгаш өг-бүлениң ыдыктарын, чаңчылдарын кадагалаарынга чугула рольду ойнап турар. Аңаа сес интернационалчы өг-бүле киришкен. Бирги черни Элегес-Аксындан Ариадна Мерзабаеваның, ийиги черни Баян-Колдан Светлана Маны-Хаяның, үшкү черни Чербиден Нисса Салчактың өг-бүлелери чаалап алган. Оон аңгыда мөөрейниң түңнелдери-биле эң эки шай дажыырының мастери Айланмаа Салчак (Черби) болгаш эң эки шай садыкчызы Чодураа Сарыглар (Бай-Хаак) деп санаттынган. Мөөрейниң түңнелинде байырлыг концертти бараалгаткан. Шай хүнүнге тураскааткан национал чемнерниң дегустациязын эрттирген.   Чуруктарны Кызыл кожууннуң культура эргелели тырттырган #культура #кызылкожуун