Шагааның кадыны

Улуг-Хем кожууннуң Хайыракан сумузунуң көдээ культура бажыңынга «Шагаа кадыны» деп чараш мөөрей болуп эрткен. Аңаа суму бүрүзүнден база Шагаан-Арыгдан кадыннар киржип, уран талантызын, чогаадыкчы ажылын таныштырып мөөрейлешкен. Улуг-Хем кожууннуң "Шагаа кадыны" деп атка Шагаан-Арыг хоорайдан Церин Монгуш төлептиг болган. Ийиги черни Ийи-Тал сумузундан Аялга Салчак ээлээн. Үшкү черни Хайыракан сумузундан Кежикмаа Бүрбү ээлээнин сагындыраал. Ол ышкаш кожууннуң шупту сумуларындан келген кадыннар, аңгы-аңгы шаңналдарга төлептиг болганнар. #шагаа2023