Шагаан-Арыг: Аныяк журналистерниң баштайгы базымы

Шагаан-Арыг хоорайның школаларында медиа-албаннар тургустунган. Медиа адыр школачыларга сонуурганчыг болбас арга чок. Амгы үеде дыка хөй уруглар, оолдар медиа адырда хаара туттунган. Элээдилерниң сонуургалын Баштайгылар деткип турар. Шагаан-Арыг хоорайның 1 база 2 дугаар школаларында Медиа-албаннарны ажытканын сагындыраал. Тывада Баштайгыларның школачы медиа болгаш коммуникация адырын харыылап турар специалист Чечена Соян уруглар-биле ужуражып, арга-сүмезин каткан. Школа медиазы - журналист мергежилди шенеп көөр эптиг арга. Янзы-бүрү чүүлдерниң автору болуп, бодунуң контентизин тургузуп, санал-бодалы-биле үлежир аргалыг. Республиканың аңгы-аңгы школаларында Баштайгыларның медиа-албаннары боттарының аккаунтуларын социал четкилерге ажыдып, медээлерни бижип, видео-материалдарны тырттырып, фоторепортажтарны кылып, сюжеттерни кылып өөренир. Мира КОНГУЛ-ООЛ белеткээн