Сентябрь 3-те «Тиилелгениң диктантызын» бижип болур

РФ-тиң Президентизи Владимир Путинниң саналы-биле 2020 чылды Сактыышкынның болгаш алдарның чылы кылдыр чарлаанын билир бис. Ол Тиилелгениң 75 чылынга тураскааткан болгаш төрээн чурттуң төөгүзүн кадагалаарынче угланган. Бо чылдың сентябрь 3-те Бүгү-россия чергелиг Ада-чурттуң Улуг дайынынга хамаарышкан төөгүлүг диктантыны бижиир акцияны чарлаан. «Тиилелгениң диктантызы» акцияга республиканың аныяктары идепкейлиг киржип, ооң-биле ТАР үезиниң тыва чону Ада-чурттуң Улуг дайынының үезинде акы-дуңмалышкы орус чонга кайы хире дузалааныл база тыва чоннуң ук дайынга киржилгезин сактып, төөгүнүң арыннарын ажыдып болур аргалыг. Алена НАН-ХОО