Самчыларның чедиишкини
Санкт-Петербург хооорайга Сергей Смирновтуң шаңналы дээш Vl-гы хааглыг национал премияга бистиң студентилер киришкен. Аңаа амгы шагның танцы адырынга тыва сургуулдарның «Сфера» танцы театры 3-кү чергениң лауреаттары болган.
Национал премияга киржири-биле, чурттуң янзы-бүрү булуңнарындан 105 киржикчи келген. Оларның аразындан гала-концертче чүгле 6 коллективти шилип алган. Тергииннерниң иштинде «Сфера» база кирип турар.
Төлевиледиң кол сорулгазы – Россияның девискээринге амгы шагның хореографиязын сайзырадыры болгаш коллективтерни деткиири. Тыва танцы театрының удуртукчузу Наталья Базыр дээрзин сагындыраал.
