Саң-хөөжүлерниң спортчу оюну

Бай-Тайга кожууннуң Тээли сумузунга республиканың культура адырында албан черлеринде саң-хөөжулерниң спортчу спартакиадазы болуп эрткен. Спортчу оюннарның тиилекчилери Чеди-Хөл кожууннуң культура албан черлериниң бухгалтерлери болганын сагындыраал. Олар тускай шаңналга төлептиг болуп, шилчип чоруур кубокту чаалап алганнар. Ийиги черни культура яамызының бухгалтерлери ээлээн, үшкү черге Барыын-Хемчик кожууннуң командазы төлептиг болган. #культура_спорт