«Россияның студенчи чазы» бүгү Россияның XXXIII фестивалының регионалдыг чадазы болуп эрткен
Ооң тиилекчизи, Тываның информастыг технологиялар техникуму, регионну Россия чергелиг фестивальга төлээлээр.
«Бо чылын «Россияның студенчи чазы» фестивальдың регионалдыг чадазынга 11 өөредилге албан черлери киришкен. Шупту командалар шыырак белеткелдиг, өөредилге черлериниң башкыларының шудургу ажылы көстүп турар. Сургуулдарның оюн-көргүзүглери хей-аът көдүрлүүшкүннүг, залда көрүкчүлерниң байырланчыг сеткил-хөөнүн оттуруп турар. Фестивальдың регионалдыг чадазы бедик деңнелге эрткен болгаш, ооң тиилекчизи – Тываның информастыг технологиялар техникумунуң командазы бүгү Россияның фестивалынга регионну төлээлээр. Оларга чедиишкинни күзеп тур мен» - деп, Движение Первых | Тыва организацияның удуртукчузу Эртине Куулар чугаалаан.
Мира Конгул-оол белеткээн.
