«Россияның школачы чазы» фестиваль: Тывадан ийи кожууннуң школачылары киришкен

Ставрополь хоорайга эрткен «Россияның школачы чазы» III бүгү Россияның фестивалынга Кызыл база Улуг-Хем кожууннарның школачылары киришкен. «Россияның школачы чазы» бүгү Россияның фестивалынга Тываны Шагаан-Арыг хоорайның 2 дугаар школазының өөреникчилери база «Салгал» студиязы төлээлээн. Тывага «Россияның школачы чазы» III бүгү Россияның фестивалының регионалдыг чадазы эрткен. Ооң тиилекчилери Шагаан-Арыгның 2 дугаар школазының командазы (удуртукчузу Сайдаш Таскый), Кызыл кожууннуң «Салгал» студиязы (удуртукчузу Чаяна Дилгижек), Туран хоорайның 2 дугаар школазының коллективи (удуруткчузу Айзана Байкара) болган. Апрель 22-26 хүннеринде Ставрополь хоорайга эрткен «Россияның школачы чазы» III бүгү Россияның фестивалының түңнел чадазынга Кызыл болгаш Улуг-Хем кожууннарның школачылары киришкен. Олар ниити регионалдыг программаны көргүскен. Министерство образования Республики Тыва