Россияның чыынды командалар кежигүннери болур тыва спортчуларга Тываның Баштыңының стипендияларын доктааткан

Россияның чыынды командалар кежигүннери – тыва спортчуларга спортчу чедиишкиннери дээш регионнуң Баштыңының 7000 рубль хемчээлдиг ай санының стипендилерин тывыскан. Республиканың бирги удуртукчузунуң стипендияларын дараазында тыва сортчулар алыр: - Тюлюш Тана Марат-ооловна, 16 харга чедир уруглар аразынга Россияның бирги чери дээш хүреш маргылдаазының тиилекчизи; - Тумат Чойгана Айдысовне, 21 харга чедир уруглар аразынга Россияның бирги чери дээш хүреш маргылдаазының тиилекчизи; - Хомушку Амыр Аясович, 18 харга чедир элээдилер аразынга Россияның бирги чери дээш хостуг хүреш маргылдаазының хүлер медалының эдилекчизи; - Шогжат Менди Эрес-ооловна, 16 харга чедир уруглар аразынга Россияның бирги чери дээш хүреш маргылдаазының хүлер медалының эдилекчизи; - Ховалыг Дугана Март-ооловна, 15-16 харлыг уруглар ортузунга бокска Россияның бирги чери дээш маргылдааның мөңгүн медалының эдилекчизи; - Тюлюш Онзагай Омаковна, 15-16 харлыг уруглар ортузунга Россияның бирги чери дээш хостуг хүреш маргылдаазының хүлер медалының эдилекчизи. «Россияның чыынды командаларының кежигүннери – Тыва Республиканың спортчуларынга Тыва Республиканың Баштыңының – Чазаның Даргазының стипендияларының дугайында дүрүмнү бадылаар дугайында» Тыва Республиканың Чазааның №245 доктаалы езугаар спортчуларга деткимче төлевирлерни доктааткан. #тывачазак