Республикада онза байдалдар: читкен уруг база өрт

Дүүн, июль 25-тиң хүнүнде, Каа-Хем кожуунда 7 харлыг харлыг читкен уругну Онза байдалдар яамызының Тывада күрүне эргелелиниң ажылдакчылары дилеп эгелээн. Назы четпээн уруг хаяга тайгаш, сугже аңдарылган болгаш, агым аайы-биле суг алгаш барганын баш бурунгаар илереткен. Амгы үеде ооң кайдаазы билдинмес. Камгалакчылар дилеп-тывар ажылдарны чорудуп эгелээн. Оон аңгыда регионалдыг эргелелдиң начальниги А. Артемов чазактың аппарат хуралынга арга-арыг өрттери көвүдээнин илеткээн.  Июль 26-ның 8 шакта байдалы-биле алырга, республиканың девискээринде 8 арга-арыг өрттенип турар. 1 өрт Каа-Хем кожуунда база 7 өрт Тожуда, ооң ниити шөлү 118,4 гектар болуп турар. Оларның аразында 76,9 га хемчээлдиг 3 өрттүң тарап өөскүүрүн болдурбаан. Аңаа 103 кижи киришкен. #аппаратноесовещание #врио #ховалыг #тыванын_аныяктары