Питерге часкы ойтулааштың кадынын илередир

Санкт-Петербург хоорайда чурттап чоруур чаңгыс чер чурттугларывыска «Часкы ойтулааштың кадыны» деп мөөрейни Санкт-Петербургское Тувинское земл-во АНЫЯК ТЫВА эрттирер. «Апрель айның төнчүзүнде оюн-тоглаалыг, өөрүшкү-маңнайлыг «Часкы ойтулааштың кадыны» деп мөөрей болурун дыңнадып тур бис. Чаңгыс чер чурттугларывыс-биле ужуражып, сагыш-сеткиливис үлежир тергиин арга тургустунар» - деп, организакчылар демдеглээн. Мөөрей элээн каш чадаларлыг: тыва национал хевин кедип алгаш, бодун таныштырары, өпей ырын ырлаар, узун чашты өрүүрү, дүк дыдар, ээргииш-биле ээрер, далган тудар дээш оон-даа өске. Мөөрейге киржир күзелдиг 30 хардан өрү кыс чонну Эвелина Доржу-биле vk.com/edorzhu93 харылзажырын дыңнаткан.