Отчетка хамаарыштыр бодалдар

Тыва Республиканың Дээди Хуралының депутады Буян Биче-оол: — Тыва Республиканың Чазааның 2025 чылда кылып чоруткан ажылдарының отчёдун Дээди Хуралдың ээлчег чок сессия хуралынга бөгүн дыңнадывыс. Чоннуң кадык-чаагай амыдыралынга спорттуң болгаш ооң хөгжүлдезиниң улуг ужур-дузалыы бүгүдеге билдингир. Республиканың чурттакчы суурларының спорт оран-савалары-биле хандырылгазы 80 ажыг хуу деп Тываның Баштыңы Владислав Ховалыг отчётка чугаалады. Янзы-бүрү сорулгалыг улуг-биче 571 спорт объектизи ажылдап турар дээрге, дыка эки-дир. Мээң соңгулда округумче кирип турар Шагаан-Арыг хоорайга чаа спорт комплексти бо чылын тудуп эгелээр. Ооң тудуун «Көдээ девискээрлерниң турум хөгжүлдези» деп федералдыг программа-биле боттандырар. Бо дээрге улуг-хемчилерге федералдыг болгаш регионалдыг чазактарның мурнундан улуг деткимче болур. Бодум хуумда спорт адырында доктаамал ажылдап, ажы-төлүвүстү спортче хаара тудуп чоруур болгаш, мындыг чедиишкиннерге өөрүвес аргам чок. Тыва Чазактың ажылын эки деп үнелеп тур мен. Чурукту ТР-ниң ДХ-ниң парлалга албанындан алган.