Орук озал-ондактары дүвүрелди болдуруп турар

Бөгүн Тываның Баштыңының хүлээлгезин түр күүседип турар Владислав Ховалыгның удуртуп эрттиргени чазактың аппарат хуралынга ИХЯ-ның сайыды Юрий Поляков республикада орук озал-ондактары көвүдээнин дүвүрел-биле чугаалаан. 7 айның түңнели-биле, орук озал-ондактары 15 хууга көвүдээн. Назы четпээн уруглар-биле 14 хууда немешкен, аңаа 9 уруг амы-тынындан чарылган, 47 уруг кемдээшкиннерни алган. Назы четпээн уруглар амы-тынындан чарылган автоавариялар Кызыл, Чөөн-Хемчик кожууннарга, Кызыл хоорайга ийи-ийи болган, Тес-Хем, Улуг-Хем, Барыын-Хемчик кожууннарга бир-бир болган. #тыванын_аныяктары #аппаратноесовещание #ДТП