Оперативтиг байдалды илеткээн

Бо хүн чазактың аппарат хуралынга ТР-ниң ИХЯ-ның сайыдының хүлээлгезин түр күүседип турар Вадим Овчинников эрткен байырлалдарда оперативтиг байдалды илеткээн. Кызыл база Чадаана хоорайларга 2 өлүрүүшкүн болган. Республиканың девискээринге байырлал хүннеринде эзиртир суксун аймаан садары хоруглуг болзажок, кайы-даа таварылгада кем-херек үүлгедиишкининиң чылдагааны арагалаашкындан үнген. Сөөлгү 8 хонук дургузунда Кызылга арага садарының чурумун хажытканы дээш 25 административтиг протоколду тургускан. Оон аңгыда 5 тонна спирт холумактыг чүүлдерни хавырган, ооң 2800 л. Шивилиг постузундан эрттирерин оралдашкан. Ол ышкаш наркотиктиг бүдүмелдерни хоойлуга удур садып-саарганы дээш 13 администартивтиг корум-чурум үрээшкинин илереткен, ооң иштинде 6 кеземче херээн оттурган. Ийи дугаар эзирик машина мунуп чорааны дээш 4 кижини туткан. #аппаратноесовещание #оперативнаяобстановке #МВДТувы #совещание #правительствоТувы