Оор чорук дээш шииттирген
Тес-Хем кожууннуң район судунуң дыңнадып турары-биле алырга, Самагалтай суурнуң херээжен чурттакчызы электроннуг деңзини база мобилдиг телефону оорлааны дээш (РФ-тиң КХ-ниң 158 чүүлүнүң 1, КХ-ниң 158 чүүлүнүң 2 "в" кезээ) шииттирген.
Хамааты С. таныыры О.-нуң бажыңынга эзирик байдалдыг тургаш, хууда ажык бодап, бүдүү өскениң эт-хөреңгизин оорлаанын шүүгү органы тодараткан. Судтуң хуралынга хамааты С. бодунуң буруузун долузу-биле билинген.
Хамааты С. айыттынган херек үүлгедиишкининге буруулуг дээрзин бадыткааш, аңаа 300 шак иштинде албан ажылга ажылдаар кеземчениң хевирин онааган.
Шииткел күш кирбээн.
Район судунуң медээзинден Мира Конгул-оол белеткээн.
Чурукту социал четкилерден алган.
