Ном делгелгези: Тываның уран чүүлүнде сарыг шажынның темалары болгаш барымдаалары

Тываның А. С. Пушкин аттыг национал ном саңының чурт-шинчилел чогаалы болгаш национал библиография килдизиниң ажылдакчылары Тываның Чурукчулар эвилелинге болуп эрткен «Тываның амгы үениң уран-чечен болгаш каасталга уран чүүлүнде сарыг-шажынның темалары болгаш овур-хевирлери» деп Республика чергелиг уран-шеверлерниң делгелге-мөөрейинге «Тываның уран чүүлүнде сарыг-шажын темалары болгаш барымдаалары» («Буддийские сюжеты и мотивы в искусстве Тувы») деп ном делгелгезин салган. Ук хемчегни 4-кү Делегей чергелиг сарыг шажынның шуулганынга уткуштур организастаан. Делгелгеден «Тываның сарыг шажынчы уран чүүлү болгаш иконографиязы» (Кызыл, 2020) («Буддийское искусство и иконографии Тувы») Хомушку М. В., «Тывада сарыг-шажынның төөгүзү» (Новосибирск,2001), («История буддизма в Туве), Серенот С. К. «Сарыг шажын хүрээлериниң тудуг уран чүүлү, каасталгалары болгаш лама башкыларның идик-хеви, эт-херекселдери» деп номундан «Тывада ховар шажын херекселдери»: авторнуң хуу шыгжамырында ховар бурганнар хевирлери болгаш шажын херекселдери деп эгени болгаш ат-сураа билдингир даш чонукчулары Х. К. Тойбухааның, Е. Дойнакайның, Э. Б. Байындының, Х. Б. Донгактың болгаш оон-даа өске даш чонукчуларының сарыг шажынга хамаарышкан ажылдарын болгаш Тывада билдингир чурукчуларның чураан чуруктарын, ылаңгыя В. Х. Сундуйнуң, Ч. Шойнуң сарыг шажын темаларынга чураан чуруктарын келген чон сонуургал-биле танышканнар. Дөзү база чурук: vk.com/wall-86179920_27357