Бөдүүн чүүлдерниң онзагай талазын эскерип өөреткен

Башкының хүнү – онзагай байырлал! Бо хүнде чүгле кол эртемнерниң башкыларынга эвес, а бистиң чуртталгавыста каас-чараш өңнерни киирип турар башкыларга четтиргенивисти илередир бис. Мээң ынак башкымның адын Оолак Андреевна Тараа дээр. Чурулга кичээлинге дыка ынак мен, чүнү-даа чуруп болур. Ындыг-даа болза, чурулгада база тускай дүрүмнер бар: өңнерни шын холууру, карандашты шын тудары дээш оон-даа өске.Чурулга башкызы биске чуртталгада бөдүүн чүүлдерниң чаражын, онзагайын көрүп өөреткен. Ынак башкымга чогаадыкчы чедиишкиннерни, хей-аът көдүрлүүшкүнүн, аас-кежикти, өөрүшкүнү күзеп тур мен.База бир ынак кичээлим – күш-культура. Аңаа кижиниң мага-боду кадык болзун дээш сула шимчээшкиннер кылыр, спортчу оюннар ойнаар. Күш-культура башкызы Бадый-Херел Павлович Ондарга чедиишкиннерни күзедим.

Алантос Салчак,
Кызыл хоорайның 8 «в» клазының өөреникчизи.
«Элээди журналист» бөлгүмү