Мээң кырган-ачам – төрээн чуртунуң камгалакчызы

Мээң кырган-ачамны Очур Аяс Александрович дээр. Ол Өвүр кожууннуң Хандагайты суурга төрүттүнген. Кырган-ачам угаанныг, эки, дидим, чоргаар кижи чораан. Төрээн чуртувусту камгалап тургаш, Украинага амы-тынындан чарылган. Кырган-ачамга дыка ынак мен, үргүлчү мени деткиир, дузалажыр турган. Маргылдааларга киришкеш, медальдар эккээримге, аажок амыраар. Ооң-биле кырган-ачамның сеткилин өөртүр турган мен. Ынак кырган-ачавыс бистиң чүректериске кезээ мөңгеде артар! Ева ТҮЛҮШ, Кызылдың 9 дугаар гимназиязында 7 «а» класстың өөреникчизи. "Элээди журналист" бөлгүмү