Мээң эң-не бир дугаар камгалакчым – мээң ачам

Мээң ачамның адын Саая Аяс Александрович дээр. Ачамның кылып билбес чүвези чок: гитаралаар, баяннаар, ырлаар, шыдыраалаар. Бистиң өг-бүлевис улуг: угбам Елена, акым Начын, Линда, мен, Чоргаар, Нелли, Амалия, Түмен, оон хеймеривис Айза. Ачам дуңмамга орун чазап берген. Бажыңнар, чунар-бажың-даа тудуп шыдаар. Ол артист кылдыр база ажылдап чораан. Мээң ачам эрес-кежээ, күштүг. Ынчангаш февраль 23 байырлалы таварыштыр ачамга байыр чедирип тур мен. Ачамга дыка ынак мен! Ол бисти дыштаныр хүннерде агаарладыр, паркка ойнадыр азы «Сүбедейге» конькилээр бис. Бажыңга келгеш, манчы, бууза кылыр бис. Ачам дуңмам-биле шыдыраалаар, а Чоргаар-биле хүрежир. «Чылдың өг-бүлези» деп мөөрейге киришкеш, бир дугар черни ээлээн бис. Мээң эң-не бир дугаар камгалакчым – мээң ачам. Ариана Саая. Кызылдың 9 дугаар гимназиязының 7 «в» клазының өөреникчизи. «Элээди журналист» бөлгүмү