Мээң өг-бүлемде Шагааны байырлаары

Бис Шагааны суургу эрттирер бис. Төрээн суурувуска баргаш, малчыннар Шагаазынче баар бис. Чыл санында суурувустуң малчыннары оочур аайы-биле Шагааны эрттирери чаңчылчаан. Бо чылын Ховалыг деп төрел-аймак байырлалды организастаар. Шагаа байырлалында чүнү кылырыл? Тыва кижи, бир дугаарында, национал хептиг болур. Оон арыг харга келгеш, кактаныр, арыгланыр. Тыва оюннар ойнаар: кажык, тевек, аргамчы, шыдыраа, аът чарыжы, кожамыктап ырлажыр, үлегер домактар, дүрген чугаа, узун тыныштап, тывызыктап, ойнап-хөглээр. Оон дагдан чуңгулаар. Аалчыларны чалап, өгге шайладыр, аъш-чемин делгеп салыр, хүндүлээр. Бистиң өг-бүлевис Шагаа байырлалын чыл санында ынчаар эрттирер. Дыка чараш, хөглүг болур. Аделина Назыты. Кызыл хоорайның 9 дугаар гимназиязының 6 «г» клазының өөреникчизи. «Элээди журналист» бөлгүмү.