Бо хүннүң байдалы-биле алырга, Мөңгүн-Тайга кожууннуң оттулар чүүл складында хөмүр-даш курлавыры чок. Ооң чылдагааны – «Кызылтранс» КХН-ниң техниказы септелгеде турар.
«Кызылтранс» КХН Мөңгүн-Тайга кожуунче хөмүр-дашты ноябрь 19-та сөөртүп эгелээр. Ук кожуунга ажыттынар ужурлуг 2 дугаар оттулар чүүл складын ТР-ниң Одалга болгаш энергетика яамызы хүлээдип бербээн чылдагаанындан ам-даа ажыглалче кирбээн.
Мөңгүн-Тайга кожууннуң чагырга чериниң дыңнатканы-биле алырга, хууда сайгарлыкчы А.К. Донгак чурттакчы чонга хөмүрнү бир тоннада 4800 рубльге садып турар. Ооң иштинче кожууннуң девискээринче хөмүрнү сөөрткен транспорт чарыгдалдары база кирип турарын сагындыраал.
#хөмүрдаш #тыванын_аныяктары
