Маргылдааларның регионалдыг чадазының тиилекчилери Тываны бүгү-российжи чадага бараалгадыр
«Президентиниң спортчу оюннары» деп бүгү-россияның школачыларының спортчу оюннарының регионалдыг чадазының ажыдыышкыны болуп эрткен. Бүгү Россияның оюннар чадазы – түңнел үнүүшкүн дээш, үш хүн дургузунда зона аайы-биле тиилекчи 5 команда демисежир.
Найысылал Кызылда Барыын-Хемчик, Чөөн-Хемчик, Кызыл, Чеди-Хөл база Бии-Хем кожууннардан зона аайы-биле чадаларның тиилекчилери чедип келген. Команда бүрүзүнде 2008-2009 чылдарда төрүттүнген 6 оол, 6 уруг кирип турар.
Оюннарда спорттуң хевирлеринде 6 оюннар — волейбол, баскетбол 3х3, чиик атлетика, стол теннизи, спортчу туризм болгаш спортчу уг-шиг тывары база чаңгыс немелде - мини-футбол кирген. Бир дугаар хүнүнде чиик атлетика биле баскетбол 3х3 болуп эрткен.
Маргылдааларның регионалдыг чадазының тиилекчилери Тываны бүгү-российжи чадага бараалгадыр. Түңнел чадазы сентябрь төнчүзүнде «Смена» деп Бүгү Россияның уруглар төвүнге болуп эртер.
Сагындырып каар чүүл – 2022 чылда «Президентиниң маргылдаалары» биле кады Россия Федерациязының Президентизиниң Кубогу маргылдааның албан езузу-биле деңнелди тывыскан.
#спорт
