Май 1-де аныяктарның күш-ажылчы фестивалы эртер
Май 1-ниң хүнүнде, 11 шакта, Арат шөлүнге "Профи - 2022" фестиваль болур.
Профессионал угланыышкынныг фестивальды Россияда чоннарның культурлуг өнчүзү чылынга болгаш Тывада чаа шиитпирлер чылынга тураскааткан.
Кызылдың уран чүүл колледжизиниң сургуулдары фестивальдың иштинде байырлыг чыскаалга киришпишаан, "Молодые профессионалы - Шоу профессий" делгелгени салыр. Ук фестивальга аныяктар болгаш студентилер оон-даа өске солун чүүлдерни көргүзер.
Мира КОНГУЛ-ООЛ белеткээн.
#тыванын_аныяктары #частың_күш_ажылдың_байырлалы
