Маадырлар бистиң аравыста

#тыванын_аныяктары_шериг_херээ Украинада шериг албан-хүлээлгезин эрттирип турар тыва солдаттарның маадырлыг чоруунуң дугайында болгаш берге үелерде амыдырап билирин социал четкилерде бижий берген. Ол тыва чоннуң хей-аъдын көдүрүп, чаңгыс чер-чурттугларывыска, тыва оолдарга, чоргааралды оттуруп турар. Шериг албан-хүлээлгелиг оолдарывыс дээш удуртукчу дарга-бошкалардан эгелээш, кожуун-суур бүрүзүнде ие кижи сагыжы аарып, оларга деткимчени көргүзер дээш кызыдып турар. Тываның Баштыңы Владислав Ховалыг Росгвардияның ажылдакчызы Сергелең Ондарның ада-иези-биле ужурашкан. «Сергелең Ондарның ада-иези-биле ужураштым. Ол Украинага тускай шериг операциязының үезинде балыгланган. Сергелең амгы үеде Балашихада шериг госпиталында чыдар. Ооң кадыкшыл байдалын эки деп санаан. Москвада Тываның бүрүн эргелиг төлээ чери бирги хүнүнде-ле эмчилер-биле харылзажып, ооң ада-иезинге дузалажып турар. Чойган Үндүновнага база Алжан Борисовичиге төлептиг оолду кижизиткени дээш четтиргенимни илереттим» - деп, ол бодунуң блогунда бижээн. Мира КОНГУЛ-ООЛ белеткээн. #cвоихнебросаем #Zамир #ZРоссию #ZаПрезидента #тыва