Кызыл кожууннуң үлегерлиг чурттакчылары: Оларның төөгүзү – аныяк-өскенге үлегер-чижек, тура-соруктуң үндезини, келир салгалдарга эң-не үнелиг ис
Кызыл кожууннуң ыраккы Каа-Хем суурунга «Кызыл кожууннуң үлегерлиг чурттакчылары» номнуң байырлыг ыдыктаашкыны эрткен. Ук номну кожууннуң тургустунганындан бээр 80 чыл оюн таварыштыр чырыкче үндүрген болгаш, ооң хөгжүлдезинге улуг үлүг-хуузун киирген үлегерлиг чурттакчыларынга тураскааткан.
Байырлыг хемчег хоочуннар, номда кирген ат-алдарлыг чурттакчыларга ужуражып чугаалажыр, суй белектер делгелгезинге киржип, солун кижилер-биле ужуражыр шөлчүгеш болган.
Ном доюнда кожууннуң удуртулгазындан Елена Филиппова, культура эргелелиниң даргазы Кызыл Куулар болгаш оон-даа өскелер чыылганнарга байыр чедирген. Ол ышкаш номнуң белеткелинге үлүг-хуузун киирген идепкейлиг ажылдакчыларга кожууннуң Баштыңы Хүндүлел бижиктерни тывыскан.
Елена Филиппова: Кызыл кожууннуң Баштыңы:
- Тываның база бир улуг кожууннарының бирээзи – Кызыл кожууннуң тургустунганындан бээр 80 чыл оюн уткуштур «Кызыл кожууннуң үлегерлиг чурттакчылары» деп номнуң байырлыг дою эртип турар. Ук номда кожуунга ажылдап чораан күш-ажылчы кижилер – эмчилер, башкылар, культура ажылдакчылары, арат-малчыннар болгаш өске-даа мергежилдиң кижилери кирип турар. Номну чырыкче үндүреринге кожууннуң Төлээлекчилер Хуралы, чагырга чери база культура килдизиниң ажылдакчылары деткимчени көргүскен.
Кызыл Куулар, культура эргелелиниң даргазы:
- Кызыл кожууннуң тургустунганындан бээр 80 чыл оюнга тураскааткан байырлыг хемчег эртип турар. «Кызыл кожууннуң үлегерлиг чурттакчылары» номну юбилейлиг чылга тураскааткан болгаш ында, шынап-ла, бо кожуунга хөй чылдарда ажылдап, ооң хөгжүлдезинге үлүг-хуузун киирген чурттакчыларны киирген. Олар база бо номнуң ыдыктаашкынында киржип келген. Ооң аңгыда сентябрь айның 19-20 хүннеринде кол юбилейлиг хемчег болурун демдеглекседим. Ынчан база культура-массалыг болгаш спортчу хемчеглер эртер.
Чечена Ооржак, Ээрбек сумунуң библиотеказының ажылдакчызы:
- Бис «Кызыл кожууннуң үлегерлиг чурттакчылары» номнуң ыдыктаашкыны – байырлыг хемчегде делгелгени салдывыс. Ында янзы-бүрү бөлгүмнерде кээп турар уругларның ажылдарын делгээн. Уруглар аргып-даарап, чинчи-шурудан каасталгаларны кылып, тыва ойнаар-кыстарны даарап турар. Оларның ажылдарын чурттакчылар улуг сонуургал-биле көрүп, харын-даа садып ап турар.
«Кызыл кожууннуң үлегерлиг чурттакчылары» - бодунуң күш-ажылы, салым-чаяаны, төрээн черинге бердингени-биле кожууннуң төөгүзүнче кирген кижилер дугайында бир-тускайлаң чыынды. Маадырларның аразында башкылар, эмчилер, культура ажылдакчылары, спортчулар, күш-ажылдың хоочуннары болгаш оон-даа өске алдарлыг кижилер бар. Ук номнуң маадырлары – кожууннуң чоргааралы болгаш, ол оларга хүндүткелди илередири-биле парлаттынган. Оларның төөгүзү – аныяк-өскенге үлегер-чижек, тура-соруктуң үндезини, келир салгалдарга эң-не үнелиг ис.
Мира Конгул-оол
Авторнуң тырттырган чуруктары
#кызылскийкожуун80лет
- Тываның база бир улуг кожууннарының бирээзи – Кызыл кожууннуң тургустунганындан бээр 80 чыл оюн уткуштур «Кызыл кожууннуң үлегерлиг чурттакчылары» деп номнуң байырлыг дою эртип турар. Ук номда кожуунга ажылдап чораан күш-ажылчы кижилер – эмчилер, башкылар, культура ажылдакчылары, арат-малчыннар болгаш өске-даа мергежилдиң кижилери кирип турар. Номну чырыкче үндүреринге кожууннуң Төлээлекчилер Хуралы, чагырга чери база культура килдизиниң ажылдакчылары деткимчени көргүскен.
Кызыл Куулар, культура эргелелиниң даргазы:
- Кызыл кожууннуң тургустунганындан бээр 80 чыл оюнга тураскааткан байырлыг хемчег эртип турар. «Кызыл кожууннуң үлегерлиг чурттакчылары» номну юбилейлиг чылга тураскааткан болгаш ында, шынап-ла, бо кожуунга хөй чылдарда ажылдап, ооң хөгжүлдезинге үлүг-хуузун киирген чурттакчыларны киирген. Олар база бо номнуң ыдыктаашкынында киржип келген. Ооң аңгыда сентябрь айның 19-20 хүннеринде кол юбилейлиг хемчег болурун демдеглекседим. Ынчан база культура-массалыг болгаш спортчу хемчеглер эртер.
Чечена Ооржак, Ээрбек сумунуң библиотеказының ажылдакчызы:
- Бис «Кызыл кожууннуң үлегерлиг чурттакчылары» номнуң ыдыктаашкыны – байырлыг хемчегде делгелгени салдывыс. Ында янзы-бүрү бөлгүмнерде кээп турар уругларның ажылдарын делгээн. Уруглар аргып-даарап, чинчи-шурудан каасталгаларны кылып, тыва ойнаар-кыстарны даарап турар. Оларның ажылдарын чурттакчылар улуг сонуургал-биле көрүп, харын-даа садып ап турар.
«Кызыл кожууннуң үлегерлиг чурттакчылары» - бодунуң күш-ажылы, салым-чаяаны, төрээн черинге бердингени-биле кожууннуң төөгүзүнче кирген кижилер дугайында бир-тускайлаң чыынды. Маадырларның аразында башкылар, эмчилер, культура ажылдакчылары, спортчулар, күш-ажылдың хоочуннары болгаш оон-даа өске алдарлыг кижилер бар. Ук номнуң маадырлары – кожууннуң чоргааралы болгаш, ол оларга хүндүткелди илередири-биле парлаттынган. Оларның төөгүзү – аныяк-өскенге үлегер-чижек, тура-соруктуң үндезини, келир салгалдарга эң-не үнелиг ис.
Мира Конгул-оол
Авторнуң тырттырган чуруктары
#кызылскийкожуун80лет
