Кызыл хоорайда донор өг-бүле

Аяс Николаевич биле Аида Севээновна Канданнарның өг-бүлези – хүндүлүг донорлар. Буянныг өг-бүле Кызыл хоорайда чурттап чоруур. Үш ажы-төлдүг: улуг оглу Буян – Росгвардия ажылдакчызы, уруу Ася – Элистада банк ажылдакчызы, а хеймер оглу Дамир – школачы. Аяс Николаевич – Федералдыг шииткел албанының Тыва Республикада эргелелиниң халажылгада майору, а Аида Севээновна – регионнуң Саналга палатазында бухгалтер. Ол ышкаш өг-бүле кадык амыдыралды суртаалдап, янзы-бүрү черлер кезип, дыштанырынга ынак. «Кажан «донор» деп сөстү дыңнааш, колдуунда чаңгыс кижи ханын дужаап турар деп бодаар бис. Херек кырында донор өг-бүлелер база бар. Бистиң өг-бүлевисте берге байдалда кижилерге буян чедирери чаңчыл апарган. Уруг-дарыг ада-иезинден үлегер алыр. Бо таварылгада өг-бүлевисте өскелерге дуза кадары «херек ужурлуг» чүүл апарган» - деп, Аяс Кандан чугаалаан. «Аида Севээновна бистиң хүндүлүг донорувус болуп турар. Канданнарның өг-бүлези – шупту донорлар, өөнүң ээзи Аяс Николаевич «Россияның хүндүлүг донору» атты алган, оглу база идепкейлии-биле ханын дужаап турар. Өг-бүлениң ачы-буян чедирип чорууру дээш четтиргенивисти илередир-дир бис» - деп, регионнуң хан кудар станциязының ажылдакчылары демдеглээн. Хүндүлүг донорлар династиязы чуртта ховар эвес таварылга. Россияда донор стажы 100 чыл ажа берген өг-бүлелер бар. Олар чүс-чүс кижилерниң амы-тынын алган. Мира Конгул-оол. #деньсемьи #традиции #семейныеценности Чурукту алган дөзү: vk.com/wall-108892306_2633