Кыштагжылар деткикчилээн

"Аныяк өг-бүлеге кыштаг" губернатор төлевилелиниң киржикчилери Авырал биле Шеңне Мундургуларның өг-бүлези Бүрен-Аксы сумузунда туттунуп турар "Эзирниң уязы" спортчу өргээниң тудугжуларынга хой берип дузазын көргүскеннер. Бо өргээниң тудуу улусчу тудуг деп чүүлдү сагындырып каалыңар. Авырал биле Шеңне Мундургуларның өг-бүлези - янзы-бүрү хемчеглерниң, оларның иштинде спортчу маргылдааларның, идепкейлиг киржикчилери. Халбалыг деп черде бо күш-ажылгыр, кежээ өг-бүлениң малының баш саны кедергей өзүп-көвүдеп турары өөрүнчүг. Сумуда "Аныяк өг-бүлеге кыштаг" төлевилелиниң киржикчилериниң аразындан Мундургуларның өг-бүлези тергииннерниң санынче кирип турар. Аныяктарга аас-кежиктиг болурун, чымыштыг ажыл-ижинге ам-даа улуг чедиишкиннерни күзеп тур бис!