Кулинарлыг мастер-класс эрткен

Ак-Довурак хоорайның Уругларның чогаадылга бажыңында «Элээди кулинар» каттыжыышкынның өөреникчилери вафлилерни белеткээннер. Бөлгүмнүң башкызы уругларга чаагай чемни кылырын өөреткен. Уруглар далгандан тестону белеткээш, вафельницаны чылыткаш, чаагай вафлилерни быжырып алганнар. Кандыг-даа кулинарның кол үнелели – дегустация болур. Уруглар боттарының быжырган чаагай чемин амданнанып чигген. Бодунуң холу-биле чаагай чемни кылып чиири чүгле ажыктыг эвес, харын-даа хөглүг дээрзин элээди кулинарлар бадыткаан. Уруглар өөренип алган рецептизи-биле өг-бүлезинге чаагай чемни белеткеп бээр сорулгалыг.   Ак-Довурак хоорайның Уругларның чогаадылга бажыңының чуруу