Кудумчуга берге байдалдыг хамаатыга дузалашкан

Росгвардейжи Михаил Сенди дыштаныр хүнде кудумчуга берге байдалга таварышкан Кызылдың чурттакчызын камгалаан. Улгады берген назылыг эр кижи хоорайның Каменистая кудумчузунга кээп ушкаш, туруп чадаан. Даштыг черге бажы кемдээш, медерелин ышкынган кижини долгандыр улус улуг дыка тоовайн эртип турганын росгврадейжи эскергенин чугаалады. Росгвардияның дайынчызы, прапорщик Сенди аарыг кижиге бирги дузаны чедиргениниң түңнелдинде, 72 харлыг Кызылдың чурттакчызы миннип келгеш, тына берген. Удаваанда дүрген дуза чедирер бригада хамаатыны эмчиже дарый алгаш барган.