Контейнерлерни болгаш экочеткилерни саткан
Тывага тускайлаан 1,5 млрд федералдыг акша-хөреңгиниң иштинде Тываның Баштыңының хүлээлгезин түр күүседип турар Владислав Ховалыгның тургусканы бирги ээлчегде күүседир хемчеглер егузаар ТР-ниң Бойдус камгалалы болгаш экология яамызы кадыг коммуналдыг артынчыларны чыыр 90 контейнерни садып алган. Оон аңгыда «2018-2026 чылдарда ТР-ге бүдүрүлгениң болгаш хереглелдиң, ооң иштинде кадыг коммуналдыг артынчыларны, ажыглаары» күрүне программазы езугаар 171 контейнерни база 35 экочеткини саткан. Ол бүгүнү 19 муниципалдыг тургузугларга хувааган.
