Кижилерни каттыштырып турар дыл

Бөгүн сураглыг орус шүлүкчү Александр Сергеевич Пушкинниң төрүттүнген хүнү болгаш Орус дыл хүнүн байырлап турар. ТР-ниң Өөредилге яамызының сайыды Алексей Храмцов ийи дакпыр байырлал-биле чылыг-чымчак сөстерни чугаалаан: «Июнь 6-ның хүнүнде амгы литературлуг дылдың үндезилекчизи, орус поэзияның чырыткызы Александр Пушкинниң төрүттүнген хүнүн демдеглээр бис. Дыл – бистиң культуравыстың дөзү, оон Россияның чаагай чоруу, хөгжүлдези дыка хамааржыр. Амгы литературлуг орус дылдың үнедизлекчилериниң бирээзи – сураглыг шүлүкчү Александр Пушкин ооң каа-чаражын, байлакшылын дамчыткан. Ооң чогаадыкчы ажыл-ижинден орус дыл, орус культура, сагыш-хөөнү өске чоннарның төлээлеринге билдингир болган. Амгы үеде Александр Сергеевичиниң чогаалдарындан цитаталарны сагыш-сеткиливисти, бодалдарывысты илередирде, бо-ла ажыглай бээр бис. Ада-чурттуң төөгүзүнге, литературага, езу-чаңчылдарга, дылга – делегейде дыка хөй чурттакчыларны каттыштырып турар, бүгү делегей деңнелдиг дылывысты, хумагалыг хамаарылганы салгалдарга арттырар ужурлуг бис. Шуптуңарга чедиишкиннерни, чогаадыкчы бедиктерни, эң-не экини күзедим!».