Күштүгбейлер тиилээн

Өвүр кожууннуң Хам-Дыт деп черге хууда сайгарлыкчыларның турисчи следу болуп эрткен. Слетка Хандагайты, Саглы сумуларындан 3 чыынды команда киришкен. Хууда сайгарлыкчылар спортчу оюннарга маргылдаага киржип, «Сайгарлыкчы чорук – модада» деп төлевилелдерин камгалаан. Оон аңгыда бот-тывынгыр уран чүүл мөөрейинге киришкеннер. Солун мөөрейлерниң түңнелинде «Күштүгбейлер» командазы бирги черни ээлээн. Ийиги черде «Россия» командазы, үшкүзүнде «Мани-мани» командазы болган. Тиилекчи командалар шаңнал-макталдарны алган. Шилчип чоруур кубокту «Күштүгбейлер» командазынга тывыскан. Мира КОНГУЛ-ООЛ белеткээн.