Күш-ажылчы үлегерлиг өг-бүле

Бии-Хем кожууннуң Аржаан суурунда Буян биле Светлана Адышааларның найыралдыг өг-бүлези көдээ амыдыралды шилип алгаш, эрес-шудургу чурттап чоруурлар. Светлана Аржаан суурга өскен, өөнүң ээзи Буянның өскен-төрээн чери – Тес-Хем кожууннуң Ак-Эрик суур. Олар Кызыл хоорайга таныжып алгаш, өг-бүле тудуп, эп-найыралдыг чурттап эгелээннер. 2015 чылда Светлана өг-бүлези-биле төрээн суурунче чанып кээр деп шиитпирлээн. Олар – үш ажы-төлдүг үлегерлиг өг-бүле. Буян Адышаа – тускайлаттынган шериг операциязының киржикчизи, балыгланган, кадыкшылының аайы-биле харык-шинээ кызыгаарлыг, 2-ги бөлүкке хамааржыр. «Чаа сорук» губернатор төлевилелинге 2020 чылда киришкен. Күш-ажыл болгаш социал политика яамызының социал керээзиниң деткимчези-биле бодунуң бизнезин өг-бүле ажыткан. Эрткен чылдың ноябрь айда күрүне деткимчезин алган болгаш, ажылының түңнели көстүп келген. Туран хоорайда «Буянныг» садыг-киоскуну ажыткаш, чондан эътти хүлээп ап, хол-биле кылган чемнерни (манчы, бууза) болгаш эъттен кылган аъш-чемни садып турарлар. Күш-ажылчы өг-бүле мал ажылы-биле сырый холбаалыг. Каш чыл улаштыр кожуунга эрткилээн көдээ ажыл-агый мөөрейлеринге киржип, тиилекчилер болуп келген. Аржаан сумузунуң медээзинден Мира Конгул-оол белеткээн. Аржаан сумузунуң албан езу арынындан чуруктарны алган. #Күш_ажылчы_өг_бүле