Күш-ажыл болгаш социал политика яамызынга хамааржыр 26 лагерь ажылдаар

Чайгы дыштанылга үезинде регионнуң Күш-ажыл болгаш социал политика яамызынга хамааржыр 26 лагерь уругларга эжиктерин ажыдар. Аңаа 2844 өөреникчи кадыкшылын экижидер аргалыг. Үш сезоннуң дургузунда 1936 кижи “Чагытай”, “Орлёнок”, “Шивилиг”, “Манчүрек”, “Таёжный”, “Хүннээректиг чурт”, “ Ыраажы-Хем”, “Сайлык”, “Отчугаш”, “ Чодураа”, “Шолбан-Ак”, “Байлак” болгаш Мөңгүн-Тайгада чурумалдыг черде турар “Меңги-Чечээ” деп кадыкшылга лагерьлеринге дыштаныр. Оон аңгыда Кызыл, Таңды, Улуг-Хем, Бии-Хем, Чеди-Хөл база Тожу кожууннарда турар хүндүскү лагерьлерге 315 ажы-төл 14 хонуктуң дургузунда дыштаныр. Бир эвес назы четпээн кижи чиигелделиг категорияларга хамааржыр болза, халас путевкаларны Кызылда МФЦ-ден азы кожууннарда Өг-бүлеге болгаш уругларга социал дуза чедирер төптерден ап болур. Тываның Күш-ажыл болгаш социал политика яамызының медээзинден.