Кашпал-оглу шүлүктеринде езулуг тыва эр кижиниң мөзүлүүн, бүдүштүүн, дидимин, мерген угаанын, туруштуун көргүскен

Кашпал-оглу — 2023 чылда «Ратное слово» номинацияда «Россияның чогаалчызы» лауреады атты алган. Ооң шүлүктери "Литературная газета" деп солунга парлаттынган. Аныяк шүлүкчү, Тываның чогаалчылар эвилелиниң кежигүнү, Россияның чогаалчылар эвилелиниң кежигүнү, «Чаалыг шөлден чагаалар», «Угли войны», « Мөңге шуглак» номнары орус, тыва дылдарда үнген. Кашпал-оглу шүлүктеринде езулуг тыва эр кижиниң мөзүлүүн, бүдүштүүн, дидимин, мерген угаанын, туруштуун көргүскен. Чеже-даа амыдыралдың бергелерге таварышса, ол тура дүшпээн. Авам үнү Кырлаң ажыр ийи холун чүктенипкеш, Кызыр инээн одарынче сүрген ышкаш. “Кырыгыже хензигбейиң аттынма”— деп, Кыжын хадып, дыңналы бээр авам үнү. Сыртылааштыг, эргим чылыг хүлүмзүрүү, Сыргалары ол-ла хевээр артып калган. Сымыранып, ”хеймериңни түретпе”— деп, Сарынналып дүшке кирер авам үнү. Чарык, тиглиг, эргижирээн деспи-биле Чавагазы аптарамда шыгжаттынган. “Чаңгыс борбак кыс-ла дуңмаң көрүп чор” — деп, Салгын болуп, дыңналы бээр авам үнү. Чадырында биеэ хевээр ол-ла боду Чарын салып, хуваанактап орар ышкаш. “Чассыгбайың кажан шагда кагбас сен” — деп, Чаңгыланып, дыңналып кээр авам үнү. Ада Тюлюштүң чуруу.