Ивижилер фестивалы: тожу-тываларының онзагай амыдыралы

Тожу кожуунга «Ивижилер фестивалы» бо чылын февраль 21-де болур. «Ивижилер фестивалының»  делгелге-ярмарказы бо чылын февраль 21-де болурун организакчылар чарлаан. Аңаа Тожу кожууннуң бүдүрүкчүлери: балыкчылар, аңчылар, ус-тывыш мастерлери боттарының продукциязын садып-саарар. Делгелге-ярмаркага балык, эът, кат-чимис, мөөгү, ногаа аймаан садар.   Ол ышкаш фестивальдың программазынче тожу-тываларының чадыр өөнүң делгелге-мөөрейи, тус черниң эт-херекселиниң делгелгези, ивижилерниң байырлыг чыскаалы, Тожу кожууннуң чогаадыкчы коллективтериниң байырлыг концерти, ивижилер чарыжы, ивижилерниң аңчы хаактарга чарыжы дээш оон-даа өске солун чүүлдер кирип турар.   «Ивижилер фестивалы» ийи чыл болгаш бир катап эртип турарын сагындыраал.   Мира КОНГУЛ-ООЛ белеткээн.   Чурукту социал четкилерден алган.