Ивижилер фестивалы: белеткелдиң сөөлгү хүннери

Бо чылын Бүгү делегейниң ивижилер фестивалы февраль 25-те Тоора-Хем суурнуң чанында шөлчүгешке эртерин сагындыраал. Тожу кожууннуң чурттакчылары болгаш аалчылары ук байырлалдан ооң катаптаттынмас онзагайын эскерип болур. Ук байырлыг хемчегге кожа-хелбээ чоннарның төлээлери кээп киржир. Харын-даа моол аалчылар тожу-тываларының аразында төрелдери барын дыңнаткан. Байырлалда чаңчыл езугаар ивилер чарыжы болур. Аалчыларга суй белектерни тус черниң ус-шеверлери белеткээн. Фестиваль болуп турган хүннерде тос чадырларны суму бүрүзү тургузуптар. Ол ышкаш фестиваль хүннеринде кожууннуң девискээринге арага садарын хораан. Мира КОНГУЛ-ООЛ белеткээн. #культура #туризм Тыванын аныяктары/Молодежь Тувы