«Ирбис» студотряды «газпромнуң» объектилеринге ажылдаар
ТР-ниң Өөредилге яамызының дыңнадып турары-биле алырга, Тываның политехниктиг техникумунуң «Ирбис» студотрядындан 6 оол Газпромнуң «Север» бүгү Россияның студенчи тудуунга ажылдаар.
Күш-ажылчы сезон дургузунда олар тротуар плиткаларын салып, металлоконструкция болгаш бордюр даштарын будуур. Оон аңгыда оларны дузалал ажыл-агыйы болгаш чер ажылдарынче хаар тудар.
Студентилерниң оруунуң өртээ, аъш-чеми, ажылдаар хүн чуруму дээн ышкаш айтырыгларны баш бурунгаар шиитпирлээн. Оларның хостуг үезин база өөренип көрген. Ажылдан аңгыда студентилер хостуг үезинде спортчу хемчеглерге, янзы-бүрү мөөрейлерге киржир.
Күш-ажылчы семестр сентябрь айда доостур.
