Октябрь 12-де ТР-ниң Информатизация болгаш харылзаа яамызынга Айдын Чюдюкту республиканың баштыңы томуйлаан.
«Амгы үеде яамының мурнунда чугула сорулгалар салдынган. Айдың Алексеевич эртем-билииниң аайы-биле экономист болгаш персонал эргелелиниң менеджери болганда, чугула бурунгаар угланыышкынныг, чурагайлыг адырның ажыл-чорудулгазының кайы хире үре-түңнелдиин сайгарып көөр ужурлуг. Назы-хары аныяк-даа болза, ол шыырак школаны эрткен. Күүсекчи эрге-чагырга органнарының регионалдыг болгаш муниципалдыг деңнелдеринге ажылдаан. Коммерциялыг организацияларга улуг төлевилелдерни башкарып турган. Бодун үре-түңнелдиг база эки ажылдыг менеджер кылдыр көргүскен» - деп, чаа томуйлаашкынны Чазак Даргазының оралакчызының база чазак аппарадының удуртукчузунуң хүлээлгезин күүседип турар Сергек Хертек тайылбырлаан.
