Хоочунга дузалашкан
«Тываның буянныг чүректери» база #МыВместе Бүгү-россия акцияның идепкейжилери Ленинградтың бүзээлээшкининге таварышкан хоочуннуң огородунда күскү дүжүдүн ажаап алырынга дузалашкан.
Идепкейжи аныяктар күш-ажылдың хоочуну, «Ленинград бүзээлээшкининиң чурттакчызы» деп хөрек демдээниң эдилекчизи Борис Борисович Подгорныйның огородунда дүжүттү ажаажып бергенин сагындыраал. Ооң мурнунда чылдарда хоочунга кожазы дузалажып турган болза, бо чылын олар эки турачы аныяктарны чалаан.
«Тываның буянныг чүректери» хөй-ниити организациязында дузааргак, биче сеткилдиг оолдар, уруглар чыылган. Олар пандемия мурнунда-даа улуг назылыгларга дузазын кадып турганын сагындыраал.
#нко #тыванынбуянныгчүректери #тыванын_аныяктары
