Хөй уруг-дарыглыг өг-бүлеге Чаа чылдың байырлыг шинчизин сөңнээн

Сүт-Хөл кожууннуң район судунуң коллективи хөй уруг-дарыглыг өг-бүлеге Чаа чылдың байырлыг шинчизин сөңнээн. Чаа чыл - улуг-биче чоннуң ынак байырлалы. Эң ылаңгыя, бичии чаштар, ону хуулгаазынныг, илбилиг байырлал кылдыр манаарлар. Чаа чылда чаштарның-даа, улуг улустуң-даа күзелдериниң бүдер үези болгай. "Чыл санында кожуунувуста хөй уруг-дарыглыг өг-бүлелерге чедип, уругларның сагыш-сеткилин өөртүп, байырланчыг хөөннү сөңнээри чаңчыл апарган. Назы четпээн чаштарга белектерни бээри - шүүгү органының хөй чылдар иштинде чаңчыл апарган езулалы. Хары угда элээн хөй уруг-дарыгны өстүрүп-азырап чоруур өг-бүлелерни деткиири чугула" - деп, судтуң ажылдакчылары санап турар. Мира КОНГУЛ-ООЛ белеткээн. Чурукту социал четкилерден алган.