Хүргүлек Конгар: Мөңгүлектиң айлаң кужу

Бо чылын тыва ыраажы, театр артизи, РСФСР-ниң улустуң артизи Хүргүлек Конгарның төрүттүнгенинден бээр 100 чыл болган оюн демдеглеп турар. "Тыва айлаң кужу" атка төлептиг ыраажыга тураскааткан сактыышкын кежээзин ооң төрээн чурту - Бай-Тайга кожуунга май айда, а республиканың төвүнге сентябрь айда эрттирерин планнаан. "Эрткен чүс чылдың чаңгызы! Тываның үнелеп четпес культурлуг салгалы! Ыраажыга тураскааткан "Мөңгүлектиң айлаң кужу" деп мөөрейни Бай-Тайга кожуун, республиканың культура яамызы база "Б. Салчак" чогаадыкчы лаборатория чарлап турар. А күзүн Хүргүлек Байыскылаңовна Конгарның 100 чылынга тураскааткан бенефис болгаш мөөрейниң 2-ги чадазы театрга эртер" - деп, Алдын-кыс Конгар социал четкилерде бижээн. Мира КОНГУЛ-ООЛ белеткээн, чуруктарны социал четкилерден алган