Хүндүлүг чаңгыс чер чурттугларым!

Тыва Республиканың шериг комиссариадының болгаш бодумнуң өмүнээмден Улуг Тиилелге хүнү-биле силер бүгүдеге байыр чедирип тур мен! Улуг Тиилелгени чаалап берген өгбелеривистиң – тыва эки турачыларның эрес-маадырлыг чоруу бистиң чүректеривисте, Тываның болгаш Россияның төөгүзүнде мөңгеде киир бижиттинген. Оларның алдарлыг маадырлыг чоруун амгы үеде тускайлаттынган шериг операциязының киржикчилери – Тываның төлептиг дайынчылары салгап, төөгүнү уламчылап чоруур. Хүндүлүг чаңгыс чер чурттугларым, байырлал-биле! Тиилелге хүнү-биле! Хүндүткел-биле, Тыва Республиканың шериг комиссары Д.Артына.