Харылзаа болгаш культура яамыларының деткимчези-биле тыва кинону тырттырган

Чебоксарыга эрткен бүгү делегей чергелиг кинофестивальдың «Парлалга жюризиниң бодалы-биле эң тергиин фильм» деп номинациязынга тыва кино тергиидээн. «Стальные стрелы» деп кинону Ролан Ооржак режиссерлаан, а сценарийин Виталий Петров белеткээн. «Жюри кежигүннериниң боттарының аңгы номинациязы бар, а парлалганың база бар. Жюриниң болгаш парлалганың бодалы 99 хуу дүүшпейн барып болур. Ынчалза-даа бо удаада ындыг эвес болган. Биске өөрүнчүг болбастың аргазы чок. Үр болбайн, кинону көрүкчүлерге бараалгадыр бис» - деп, Виталий Петров чугаалаан. Кинону эрткен чылын, 2020 чылда, тырттырган. Ында 1919 чылдарның болуушкуннарын көргүскен. Ук кинону ТАР-ның 100 чыл оюнга уткуштур тырттырганын сагындыраал. #кинофестиваль #кино #фильм #чебоксары #тувинскийфильм #тыванын_аныяктары