Хакасияның студентилери-биле ужуражылганы эрттирген

Хакас Республиканың "Боевое братство" хөй-ниити организациязының даргазы А.В. Векшинниң чалалгазы езугаар Россияның Маадыры, тускай шериг операциязының киржикчизи Мерген Донгак база Тыва Республиканың "Боевое братство" хөй-ниити организациязының "Волонтержу рота" салбырының удуртукчузу, "Кара Ирбиш" бөлүктүң лидери Ачыты Нурзат Саяногорск хоорайның ортумак өөредилге черлериниң студентилери-биле ужуражылганы эрттирген. Тыва дайынчылар баштай өөредилге черлериниң студентилери-биле ниити ужуражылганы кылгаш, ооң соонда тыва студентилер-биле база аңгы ужуражып чугаалашкан. Мира КОНГУЛ-ООЛ #сво