Хайыраканда бичии школачының күзелдери

«Сылдысчыгаш» солуннуң корреспондентизи Хайыракан суурда бичии оолак Арзылаң Сат-биле чугаалашкан. Ол тос харлыг, эки өөредилгелиг, ада-иезиниң кыштаанга дузалажыр, мөөрейлерде шаңналдыг черлерни ап турар. Келир үеде – эрес-дидим мергежилди шилип алыр күзелдиг. Ынак эртемнери: номчулга, күш-культура болгаш чогаадыкчы чорук Арзылаң - Хайыракан ортумак школазының үшкү классчызы. Ол : номчулга, күш-культура болгаш технология кичээлдеринге ынак. Номчулга кичээлдеринде эштери-биле солун чечен чугааларны номчуур, харын-даа боду кыска төөгүлерни чогааткылаар. Күш-культура кичээлинде мага хандыр халып-шурап, янзы-бүрү оюннарны эш-өөрү-биле ойнаарлар. А технология — чогаадыкчы чоруктуң делгемнери: аңгы-аңгы чүүлдерни холу-биле кылыр болгаш чаа чүүлдерни билип алыр. Спорт, эш-өөрү база чадаг-терге Арзылаң хостуг үезинде эштери-биле ойнаарынга ынак. Ол чадаг-терге мунар азы бир-ле чүүлдү холу-биле кылырынга ынак. Чаңгысклассчы өөрү-биле хол бөмбүү ойнаар, а чайын – эштир, чадаг-терге мунар. Бичии тиилекчи Арзылаң суму база кожуун чергелиг янзы-бүрү мөөрейлерде киржип турар. Чаңгыс эвес удаа шаңналдыг черлерни алган. Ооң кызымаккайы болгаш чүткүлдүү үре-түңнелдиг болуп турарын сагындыраал. Эп-найыралдыг өг-бүле Арзылаңның өг-бүлези эп-найыралдыг. Ачазы Альберт Викторович – эмнелгеде чолаачы, авазы Чаяна Владимировна – уруглар садында кижизидикчи башкы. Улуг акызы Чолдуг — студент, келир үениң программизи. Угбазы Уран-Сай – онгу классчы. Арзылаң бажыңынга авазы, угбазынга дузалажыр: суугуну одаар, шаланы чуур, доозунну чодар. Ол картофельди картаптар болгаш чуурганы быжырып алыр. А угбазы Уран-Сай чаагай блиныларны быжырарынга ынак. Дузалал ажыл-агыйы болгаш кыштаг Өг-бүле кыштаанда мал-маган тудуп чоруур: инектер, аъттар бар. Ооң мурнунда чылдарда хой-өшкү, дагаалар база турган. Арзылаң ачазы-биле дыштаныр хүннерде кыштаанга барып, инек кадарар, ыяш чарар, бызааларын чемгерер. Келир үеде эрес-дидим мергежилди шилип алыр Бичии Арзылаң келир үеде өрт өжүрүкчүзү болур күзелдиг турган, амгы үеде – полицейжи мергежилге өөренир сорулганы салган. Ук мергежилдерни «эрес-дидим» деп, ол санап турар. Мира КОНГУЛ-ООЛ очулдурган. Өг-бүлениң чуруу