Х Ү Р Е Ш ! Х Ү Р Е Ш ! Х Ү Р Е Ш !
Бүгү Россия чергелиг «Тыва Республиканың Баштыңының Кубогу-2021" деп чаш болгаш элээди мөгелер аразынга тыва хүреш маргылдаазының болуп эртерин республиканың спорт яамызы дыңнаткан.
Маргылдааның киржикчилери болгаш мөге оолдарның ада-иелери дараазында медээлерни билип алыры чугула.
Маргылдаа дараазында назы-хар аайы-биле бөлүктерге болуп эртер:
Бөлүк А:
2012-2013 чылдарда төрүттүнген оолдар;
Бөлүк Б:
2010-2011 чылдарда төрүттүнген оолдар;
Бөлүк В:
2008-2009 чылдарда төрүттүнген оолдар;
Бөлүк Г:
2006-2007 чылдарда төрүттүнген оолдар;
Бөлүк Д:
2003-2004-2005 чылдарда төрүттүнген оолдар.
Хамчык аарыгның улуг нептереп турганы-биле чаш мөгелер аразынга 2020 чылдың Наадым хүрежи эртпээнин сагындыраал. Ынчангаш бо эртер улуг маргылдаага А, Б, В, Г бөлүктерде мөгелер ХҮНДҮЛҮГ АТТАРНЫ КҮҮСЕДИП АП БОЛУРУН «Тываның аныяктары» солуннуң редакциязы билип алган.
Маргылдаа февраль 6-7-ниң хүннеринде "Сүбедей" спортчу өргээге эртер.
Хамчык аарыгны нептеретпези-биле база айыыл чок байдалды тургузары-биле маргылдаа КӨРҮКЧҮЛЕР ЧОК ЭРТЕР. Көрүкчүлерге Интернет таварыштыр онлайн-дамчыдылга болур.
2008 чылга чедир төрүттүнген оолдарны бир ада-иези азы төрели төлээлеп болур: ЧАҢГЫС КИРЖИКЧИ-БИЛЕ ЧҮГЛЕ ЧАҢГЫС ТӨЛЭЭ МАРГЫЛДААЖЕ КИРИП БОЛУР!!!
КИРЖИКЧИ БҮРҮЗҮ БАЗА ТӨЛЭЭЛЕРИ COVID-19-биле ААРЫВАЙН ТУРАР ДЕП ШЫНЗЫЛГА БИЖИКТИГ БООР УЖУРЛУГ!!!
Маргылдаа 2 хүн уламчылаар.
#тыванын_аныяктары #спорт #ЗОЖ
