Бөгүн Тываның Баштыңы
Владислав Ховалыгның удуртуп эрттиргени чазактың аппарат хуралынга чаңчыл езугаар республикада корум-чурум айтырыынга доктааган.
"Эрткен неделяда 5 орук озал-ондаа Кызыл хоорайга болган. Ооң иштинде бир айыыл-халапка чолаачы амы-тынындан чарылган. Аңаа 6 пассажир аңгы-аңгы хевирниң кемдээшкиннерин алган.
Арткан 4 орук озал-ондаанга 6 хамааты когараан, оларның аразында бир назы четпээн уруг бар.
Неделя дургузунда 51 эзирик чолаачыны туткан. Аварияларны сайгарып көөр болза, бо чылдың 8 айының дургузунда орук озал-ондааның 4 дугаары-ла эзирик чолаачының хайындан болуп турган. Аңаа 18 кижи амы-тынындан чарылган, 112 кижи кемдээшкиннерни алган. Бо үе дургузунда ийи муң ажыг эзирик чолаачыны туткан, ооң иштинде 383 кижи чаңгыс эвес удаа чурум үреп турарын КАИ ажылдакчылары илереткен" - деп, ИХЯ-ның сайыды Ю. Поляков дыңнаткан.
Хөлгени эзирик мунар чорукту болдурбазы-биле, полиция ажылакчылары шыңгыы хемчеглерни ап эгелээн. Олар чаңгыс эвес удаа чурум үрээн чолаачыларның хөлгезин хавырар аргалыг болур.
#аппаратхуралы #чазак #тыва #тыванын_аныяктары
